Berriak

Jar zaitez nire lekuan

Mugikortasun jasangarri eta inklusiboa

Europako Mugikortasun Iraunkorraren Astea dela eta, irailaren 17an eta 18an Donostiako Alderdi Ederren izango gara, Dbusek eta Donostiako Udaleko Mugikortasun Departamentuak elkarrekin antolatutako  “Jar zaitez nire lekuan”  jardueran.

Bi egun horietan, 10:00etatik 13:00etara Dbuseko autobus bat jarriko da Alderdi Ederren, bertara hurbiltzen direnek zailtasun sentsorial batzuk esperimentatzeko hainbat jardueratan parte hartu ahal dezaten, erabiltzaileen arteko enpatia eta elkar ulertzea sustatzeko eta pertsonen hainbat mugapen ikusarazteko, esaterako, mugitzeko zailtasunak, ikusmen urritasuna, etab.

Zentatik, laguntza tekniko ezberdinak jarriko ditugu bertaratzen zaretenon eskura, gurpildun aulki elektrikoak, aulki aktiboak, motorizazio sistemak, makuluak… Helburua hauen erabiltzaile diren pertsonek autobusa erabiltzean bizi duten esperientzia zure azalean bizitzea da.

“Jar zaitez nire lekuan” izeneko jarduerarekin asmoa da erabiltzaileak egoera jakin batzuetan jartzea, hainbat elementuren bitartez, esaterako aniztasun funtzionala duten eprtsonen lekuan jartzeko, autobusa gurpildun aulki batean igota erabiltzea nolakoa den frogatuz. Era berean, aurreikusita dago udalaren teknikariekin saio bat egitea.  Jardueran, mugikortasun arazoak dituzte pertsonekin edo aniztasun funtzionala duten pertsonekin lan egiten duten beste zanbait elkarte eta erakunde batzuek ere hartuko dute parte, hala nola, Begisare, ONCE eta Elkartu.

Vectia autobus hibrido-elektrikoa. Argazkia: Dbus

Mendian, zein itsasoan.

Ondarretan ibiltzea, itsasoan bainu bat hartzea edota igerilekuan murgiltzea. Udan ohikoak diren ekintza ugari egiterakoan traba asko topatzen ditugu: gurpilak hondarretan ez dira ondo mugitzen, gurpildun aulkiak ezin dira uretan sartu… Horretarako laguntza teknikoak behar izaten ditugu, egingo dugun ekintza bakoitzera egokitzen direnak.

Baina egiten dugun ekintza bakoitzerako aulki batekin kontatzea zaila da: bat egunerokotasunerako, bestea hondartzarako, bestea elurretara joateko, edota mendira. Baina Rodem-eko lan taldeari ekintza-anitzeko aulkia ezagutu dugu: Hippocampe. Aulki hau hondartzan, igerilekuan, mendian, zein elurretan ibiltzeko egokia da, askatasun handia emango dizularik.

Laguntza tekniko moldakor eta erabilera askotarikoak topatzen ditugunean, zuei erakusteko irrikan egoten gara. Horrelako gailuek askatasun eta autonomia maila handiagoa ematen digutelako, oztopoak murriztuz.

Inter Ortho taldera gehitu gara

Zentan Inter Ortho taldearekin bat egin dugu. Talde honek estatu mailako ortopedia ezberdinak biltzen ditu, guztion artean hazten eta hobetzen ikas dezagun. Eta guk horrela uste dugu: Elkarrekin gehiago gara.

Taldearen helburua formazio ezberdinak lantzea da, gure zerbitzuak hobetzeko eta puntako gailuak ezagutzeko. Baita hornitzaileekin akordioetara iritsi eta zuei produktuak prezio merkeagoan eskaini ahal izatea.